Qarjy agenttigi Qazaqstan bankterine «ıslamdyq tereze» ashýǵa ruqsat berýdi usyndy

<p>KAZINFORM. ASTANA &ndash; Qarjy naryǵyn retteý jáne damytý agenttigi Qazaqstan bankterine &laquo;ıslamdyq tereze&raquo; ashýǵa ruqsat berýdi usynyp otyr.</p>

- Bankterge «ıslamdyq terezelerdi» ashýǵa ruqsat berý banktiń qoldanystaǵy ınfraqurylymyn paıdalana otyryp, derbes zańdy tulǵa qurmastan ıslamdyq qarjylandyrý qaǵıdattaryna sáıkes keletin qyzmetterdi usynýǵa múmkindik beredi. Islam bankiniń aktıvteri men kelisimsharttaryn osy «ıslamdyq terezege» berý kezinde ıslam bankin «ıslamdyq terezesi» bar dástúrli bankke aınaldyrýǵa ruqsat berý usynylady, - dep jazylǵan agenttiktiń bank qyzmetin retteý saıasatyn jetildirý jónindegi konsýltatıvtik qujatynda.

Degenmen agenttiń mamandary bul usynys qoldaý tapqannyń ózinde yqtımal syn-qateri bolatynyn eskertip otyr.

- Bankterge «ıslamdyq terezelerdi» ashýǵa ruqsat berýdiń oń jáne teris jaqtary bolýy múmkin. Mańyzdy táýekelderdiń biri bedeldi joǵaltý yqtımaldylyǵyn aıtýǵa bolady. Islamdyq qarjy ónimderine suranystyń bolmaýy da mańyzdy táýekel bolyp esepteledi. Shekteýli suranys jaǵdaıynda «ıslamdyq tereze» tıimsiz bolyp, bank úshin qarjylyq shyǵyndarǵa ákelýi múmkin, - dep jazylǵan qujatta.

Buǵan deıin «Otbasy bank» aktsıonerlik qoǵamynyń basqarma tóraıymy Lázzat Ibragımova ıslam ıpotekasynyń sharttary Qazaqstan zańnamasyna qanshalyq sáıkes keletini zerdelenip jatqanyn aıtqan edi.