Qarjaýbaı Sartqojauly indet jaıly: Kúsh biriktirsek qana bul qıyndyqtan qutylamyz

NUR-SULTAN. QazAqparat – Álemge taralǵan juqpaly indet halqymyzdyń eńsesin basa almaıdy. Memleket basshysy Qasym-Jomart Toqaevtyń respýblıkalyq telearnalar arqyly elimizde qalyptasqan ahýalǵa baılanysty úndeýi jaıly «Otandastar qory» janynan qurylǵan «Qoǵamdyq qabyldaý» komıssııasynyń múshesi, jazýshy, túrkitanýshy Qarjaýbaı Sartqojauly osyndaı pikir bildirdi, dep habarlaıdy QazAqparat tilshisi.

«Memleket basshysy Qasym-Jomart Toqaevtyń halyqqa joldaǵan úndeýin tyńdadym. Prezıdent bastamasyn tolyq qoldaımyn. Álemge taralǵan juqpaly indet halqymyzdyń eńsesin basa almaıdy. Elimizde karantın rejımi erte engizilip, saqtyq sharalary ýaqtyly jasaldy. Dese de qazirgi ýaqytta aýrý juqtyrǵan adamdardyń sany artyp barady. Biz birlikte kúsh biriktirsek ǵana bul qıyndyqtan qutylamyz. Qazaqstan Respýblıkasynyń Densaýlyq saqtaý mınıstrligi alǵashqy kezeńnen bastap halyqqa aqparat berip otyrdy. Ketken kemshilikterdi ýaqyt tarazylaıdy», - deıdi Qarjaýbaı Sartqojauly.

Eske sala ketsek , búgin Memleket basshysy Qasym-Jomart Toqaev respýblıkalyq telearnalar arqyly elimizde qalyptasqan ahýalǵa baılanysty úndeý jarııalaǵan bolatyn. Prezıdent otandastarymyzdy halqymyzdyń basyna túsken synaq aldynda qaısarlyqqa, sabyr men jaýapkershilikke shaqyrdy.