Kárizderdi tazartý qurylǵysyna BJZQ esebinen 316 mlrd teńge bólinedi

<p>ASTANA. KAZINFORM &ndash; Elimizdegi káriz qubyrlaryn tazalaıtyn qurylǵy qurylysyna Biryńǵaı jınaqtaýshy zeınetaqy qorynan 316 mlrd teńge jumsalmaq. Bul týraly Ónerkásip jáne qurylys vıtse-mınıstri Tımýr Qaraǵoıshın málim etti.&nbsp;</p>

«Elimizdiń 89 qalasyndaǵy 69 káriz qubyrlaryn tazartý qurylǵylaryn salý jáne qaıta jóndeý qajet. Onyń ishinde 27 qalada káriz qubyrlaryn tazartý qurylǵylary joq jáne 42 qalada olardyń 60%-dan astamy tozǵan. Búgingi tańda 8 qaladaǵy joba respýblıkalyq bıýdjetten jalpy somasy shamamen 20 mlrd teńgege qarjylandyryldy», - dedi Tımýr Qaraǵoıshın Májiliste ótken «Respýblıkadaǵy sarqyndy sýlardy qaıta paıdalanýdyń problemalary men perspektıvalary» atty dóńgelek ústel barysynda. 

Sondaı-aq, mınıstrdiń orynbasary shamamen somasy 878 mlrd teńgege 61 káriz qubyrlaryn tazartý qurylǵylary jobasyn iske asyrý qajettigin aıta kelip, ony iske asyrýdyń tetikterine toqtaldy.

- Halyqaralyq qarjy uıymdarynyń memlekettik kepildikpen bergen qaryzdary esebinen jalpy somasy shamamen 200 mlrd teńgege 8 joba;

- Aldyn ala eseptegende somasy 346 mlrd teńgege respýblıkalyq bıýdjet qarajaty esebinen 28 joba; 

- Qonaev qalasynda jalpy somasy 16 mlrd teńgege 1 joba; 

- 24 jobany Biryńǵaı jınaqtaýshy zeınetaqy qory qarajaty esebinen «Báıterek» holdıngi arqyly jalpy somasy 316 mlrd teńgege iske asyrý josparlanýda.