Qaryzy bar kólik ıelerine keıbir aqyly jolmen júrýge tyıym salynbaq

ASTANA. QazAqparat – Aqyly jolǵa qaryzdar qazaqstandyqtar keıbir joldarmen júre almaıdy. Bul týraly QR IIDM avtomobıl joldary komıteti tóraǵasynyń orynbasary Jambyl Bahtııar málim etti, dep habarlaıdy QazAqparat tilshisi.

«Qazaqstandyqtardyń aqyly joldar boıynsha 5 mlrd teńgeden astam qaryzy bar. Atalǵan soma ótken jyldyń 23 qarashasynan bastap, bıyl 1 jeltoqsan aralyǵynda jınaldy. Kólik ıeleri aqyly joldar boıynsha qaryzyn belgilengen ýaqytta tóleýi tıis. Mysaly, kólik ıesiniń 300 myń teńge qaryzy bolsa, ol bereshegin kestege saı 2 jyl kóleminde tóleıdi», - dedi Jambyl Bahtııar QR Indýstrııa jáne ınfraqurylymdyq damý mınıstrliginiń «Ashyq saǵat alańy» jobasynyń efırinde.

Mınıstrlik ókiliniń aıtýynsha, qazir elimizde 2,2 myń shaqyrym aqyly jol bar. Jyl basynan aqyly joldan 20 mlrd teńge tabys tústi. Jınalǵan qarajat joldardy kútip ustaý men jóndeýge jumsalady.

«Bıylǵa josparlanǵan jańa aqyly joldardy engizý keıinge qaldyryldy. Sebebi turǵyndar abonenttik tólemdi alyp tastaýdy surap otyr. Sondaı-aq, 2 sanattaǵy avtomobıl joldaryn aqyly etýge kelsek. Bul másele halyqtyń oń kelisiminen keıin ǵana sheshiledi. Degenmen biz aqyly joldardan bas tarta almaımyz. Jalpy 15 jeltoqsannan bastap elimizde jańa abonenttik tólem júıesi engiziledi. Ol boıynsha aqyly joldar eki túrge bólinedi. Birinshi, jabyq júıe. ıAǵnı «Astana-Şýchınsk», «Qaraǵandy- Astana», «Almaty-Qapshaǵaı» tasjoldary boıynsha qaryzy bar kólik ıeleri bereshegin ótegennen keıin ǵana júre alady. Ekinshi ashyq júıe. Ol boıynsha kólik ıesi tólemegen jaǵdaıda qaryzy jınala beredi», - deıdi ol.