Qaryzdy zańsyz syzyp tastaǵan QTJ enshiles kompanııasynda tergeý bastaldy

NUR-SULTAN. QazAqparat - «QTJ UK» AQ enshiles kompanııasy - «KTZ Express» AQ laýazymdy tulǵalarynyń óz ókilettikterin teris paıdalaný faktisi anyqtaldy, dep habarlaıdy QazAqparat.

Olarǵa sheteldik kompanııanyń 1 mlrd teńge debıtorlyq qaryzyn zańsyz esepten shyǵardy degen aıyp taǵyldy.

Bul týraly QR Memlekettik qyzmet isteri jáne sybaılas jemqorlyqqa qarsy is-qımyl fgenttiginiń Qoǵammen baılanys departamentiniń dırektory Arman Berdalın málimdedi.

«Sybaılas jemqorlyqqa qarsy is-qımyl ulttyq bıýrosynyń elordalyq departamenti «KTJ ulttyq kompanııasy» AQ enshiles kompanııasy - «KTZ Express» AQ laýazymdy tulǵalaryna qatysty sotqa deıingi tergeý júrgizýde. Olar sheteldik kompanııanyń 1 mlrd teńge kólemindegi debıtorlyq qaryzyn zańsyz esepten shyǵarý arqyly ókilettikterdi teris paıdalanǵan. Bul zańmen qorǵalatyn memleket múddesine eleýli zalal keltirdi», - dedi Arman Berdalın elordada ótken brıfıngte.

Onyń aıtýynsha, Ulttyq bıýro departamentiniń aralasýynan keıin atalǵan soma qalpyna keltirilgen jáne «KTZ Express» AQ (100% memleket úlesi) shotyna debıtorlyq qaryz retinde aýdarylǵan.

Tergeý jumystary jalǵasýda.