Qaryz merzimin uzartý jobalardy qymbattatady – Joǵary aýdıtorlyq palata

ASTANA. QazAqparat – Joǵary aýdıtorlyq palata 2022 jylǵy 12 aıda 124 obektide ótkizgen 20 aýdıtorlyq is-sharanyń qorytyndysyn shyǵardy, dep habarlaıdy QazAqparat tilshisi.

«Kólik ınfraqurylymyn damytý jobalarynyń qaryzdaryn birneshe ret uzartý jumys qunynyń qymbattap, qaryzǵa qyzmet kórsetýge arnalǵan qosymsha tólemderge ákep soǵady. Talap etilmegen qaryz somasyn rezervtegeni úshin 1,6 mlrd teńge tólendi», - dep jazylǵan palata málimetinde.

Palata mamandary osy aıtylǵandarǵa naqty mysal keltiredi.

«Ońtústik-Batys avtmobıl jolyn damytý baǵytynda «Batys Eýropa – Batys Qytaı» halyqaralyq tranzıttik dálizine tartylǵan 2 mlrd 125 mln dollar qaryzdyń merzimi tórt ret uzartyldy. Qaryzdy ıgerý kezeńi 4 jyldan bastap 15 jyl 4 aıǵa deıin uzartyldy (2025 jylǵy 30 sáýirge deıin).

Shyǵys-Batys a/j damytý jobasy boıynsha (Almaty-Qorǵas ýchaskesi: Batys Eýropa-Batys Qytaı halyqaralyq tranzıttik dálizi) 1 mlrd 068 mln dollar qaryzdy qoldaný merzimi 4 jyldan (2017 jyldyń maýsymyna deıin) 10 jyl 10 aıǵa deıin (2024 jyldyń 30 sáýirine deıin) eki ret uzartyldy.

«Aqtóbe-Maqat» avtomobıl jolyn rekonstrýktsııalaý jobasy boıynsha 240,3 mln dollar qaryzdyń qoldaný merzimi 2021 jylǵy jeltoqsannan 2023 jylǵy jeltoqsanǵa deıin uzartyldy», - delingen qujatta.