Qarýly Kúshterdegi eń uzyn boıly sarbaz Aqtaý garnızonynda
Qatardaǵy jaýyngerdiń boıy – 2 metr 3 santımetr.
«Men 2021 jyly kúzgi shaqyrylymmen Almaty oblysynan Aqtaý qalasyna 25/744 áskerı bólimine Otan aldyndaǵy boryshty óteýge shaqyryldym. Qyzmetimdi arıtellerııalyq dvızıonnyń kózdeýshi operatory laýazymynda atqarýdamyn», - deıdi A. Muhamedov jergilikti telearnaǵa bergen suhbatynda.
Myqty dene bitimi men boıshańdyǵy sarbazǵa sporttyq normatıvterdi oryndaý men qarýdan oq atý kezinde, jaýyngerlik daıarlyqta da óz septigin tıgizedi. Boıshań sarbaz bala kezinen bokspen shuǵyldanady. Áskerge deıin de ol birqatar jarystardyń júldedlerin qanjyǵasyna baılaǵan.
Azat úshin ózine shaq keletin kıim tabý qıyn. Biraq áskerı bólimde tıisti formamen tolyqtaı qamtamasyz etilgen.
«Áskerı ómirdiń qıyndyqtaryna qaraǵanda qyzyqty kezderi kóp ekenine kózim jetip keledi. Sondyqtan Qazaqstannyń azamattaryn Otan aldyndaǵy boryshyn óteýge shaqyramyn», - dedi A. Muhamedov.