Qarýly kúshterde jaýyngerlik ázirlik máseleleri boıynsha taktıkalyq-saptyq sabaqtar ótýde

ASTANA. QazAqparat - 2017 oqý jylyn uıymdasqan túrde bastaý úshin Qazaqstan Qarýly kúshterinde jeltoqsannyń 2-i men 9-y aralyǵynda jaýyngerlik ázirlik máseleleri boıynsha taktıkalyq-saptyq sabaqtar ótkizilýde. Bul týraly QR Qorǵanys mınıstrliginiń baspasóz qyzmeti.

Taktıkalyq-saptyq sabaqtar «qarapaıymnan kúrdelige» qaǵıdaty boıynsha ótkizilýde. Eń aldymen, bólimsheler men vzvodtar deńgeıinde, ári qaraı rotalar men batalondar, áskerı bólimder, óńirlik qolbasshylyqtar (ásker tekteri), sodan keıin ásker túrleri deńgeıinde jáne Qarýly kúshter aýqymynda ótedi. Bul sabaqtardyń maqsaty - jaýyngerlik ázirliktiń joǵary dárejesine keltirý jáne arnalýy boıynsha tapsyrmalardy oryndaý barysynda áskerlerdi basqarý kezinde basqarý organdarynyń (ştabtardyń) jumys jasaý úılesimdiligin arttyrý, Qarýly kúshterdiń habardar etilý júıesin tekserý, jasaqtaýshy jergilikti áskerı basqarý organdarymen, basqa da áskerler jáne áskerı quralymdarmen áskerı bólimderdiń ózara is-qımylyn ustap turý.

Eske sala ketsek, 2 jeltoqsanda Qazaqstannyń Qarýly kúshterinde «Qarýly kúshterdiń 25 jyldyǵyna - joǵary jaýyngerlik ázirlik!» uranymen jańa oqý jyly bastalǵan bolatyn.