Qarýly Kúshterde vaktsına alǵandardyń sany 100 paıyzǵa jaqyndady
Apparattyq keńeste Bas áskerı-medıtsınalyq basqarma bastyǵy jeke quramnyń shamamen 90%-i ekpeniń eki komponentin, al barlyǵy áskerı qyzmetshiler men azamattyq personaldyń 98%-ten astamy vaktsına alǵany týraly baıandady.
Ujymdyq ımmýnıtetti qalyptastyrý jaýyngerlik oqý-jattyǵý is-sharalaryn júrgizýde kóptegen shekteýdi alýǵa múmkindik beredi. Qarýly Kúshter bas dárigeriniń aqparaty boıynsha COVID-19-ben naýqastaný ishinara sıpatta ótýde, aýrýdyń aýyr túrde ótý jaǵdaılary bolǵan joq. Taıaý ýaqytta qalǵan jeke quramda medıtsınalyq qarsy kórsetilimder merzimi ótkennen keıin vaktsına alǵandar sanyn 100%-ke deıin jetkizý boljanýda.
Keńeste bas qolbasshylar áskerlerdiń jaýyngerlik daıarlyq barysy týraly baıandady. Komandalyq-shtabtyq, jumyldyrý, dıversııaǵa qarsy oqý-jattyǵýlar, bólimshelerdi, ekıpajdardy, eseptoptardy daıarlaý, maıdan jáne áskerı-kólik avıatsııasynyń oqý-jattyǵý ushýy, júzgish jaýyngerlerdiń parashıýttik-desanttyq daıarlyǵy jáne alpilik bólimshelerdiń taýdaǵy daıarlyǵy josparly túrde júrgiziledi.
Qorǵanys mınıstri áskerı tártiptiń jaı-kúıi, atap aıtqanda, jarǵylyq emes ózara qarym-qatynas máselelerin kóterdi. Quqyq buzýshylyqtyń atalǵan túriniń tómendeýine qaramastan, osy baǵyttaǵy profılaktıka úzdiksiz júıeli negizde júrgizilýge tıis. Ol jaýyngerlerdiń armııada bolǵan alǵashqy kúnderinen bastalýy kerek.
«Biz kún saıyn árbir áskerı qyzmetshige «neniń durys, neniń burys» ekeni týraly túsinikti tilmen jetkizip, onyń sanasyna sińire bilýimiz kerek», – dedi general-leıtenant Nurlan Ermekbaev.
Sonymen qatar, ol mundaı tásildiń is júzinde naqty áreket etýmen qatar júrýi, ıaǵnı qol jumsaýdyń árbir jaǵdaıyn obektıvti túrde tergep-tekserý, barlyq qylmystyq isterdi sotqa jetkizý, kinálilerdi ádil jáne sózsiz jazalaý kerek ekenin atap ótti.
Keńeste qarý men oq-dárilerdi saqtaýdyń jaı-kúıine, áskerı qyzmet qaýipsizdigin uıymdastyrýǵa tekserý júrgizý praktıkasy qaraldy. Qazirgi ýaqytta áskerlerde bas qolbasshylar men qolbasshylardyń basshylyǵymen komıssııalardyń jumysy uıymdastyrylǵan. Qorǵanys vedomstvosynyń basshysy baǵynysty áskerler tynys-tirshiliginiń barlyq aspektisin sapaly tekserý qajettiligi jáne ınspektsııalaý nátıjeleri úshin laýazymdy adamdardyń derbes jaýapkershiligi týraly eske saldy. Kemshilikter anyqtalǵan jaǵdaıda komıssııalar olardy joıýǵa kómek kórsetýge tıis.
«Eger tekserýshiler obektini teksergennen keıin olar anyqtamaǵan kemshilikterge baılanysty oqıǵa oryn alsa, onda olardan qatań suralatyn bolady. Bul jaǵdaıda obektini teksergen adamdar bólim qolbasshylyǵymen birge jaýapty bolýǵa tıis», – dep atap ótti Qorǵanys mınıstri.
Odan basqa, áskerı bólimderdi tekserý jáne olarǵa barý jaýyngerlik oqý-jattyǵýdyń josparly is-sharalaryna kedergi keltirmeýge, al ınspektsııalaıtyn adamdar, barlyq deńgeıdegi bastyqtar turý men tamaqtanýdy óz esebinen júzege asyrýǵa tıis.
Shalǵaıdaǵy garnızondarda áskerı qyzmetshilerdi turǵyn úımen qamtamasyz etý máseleleri qozǵaldy. Búgingi kúni shalǵaıda ornalasqan áskerı bólimderde obektiler qurylysy belsendi túrde júrgizilýde. Bul rette ótken jyldary jobalanǵan keıbir obektilerdiń kommýnaldyq ınfraqurylymy buǵan deıin turǵyzylǵan kazarmalyq-turǵyn úı qorynda jaıly turýdy qamtamasyz etpeıdi.
Sonymen qatar, merdigerlerdiń óz ýaqytynda júrgizgen sapasyz jumysynyń nátıjesinde shatyr jabyny fragmentteriniń jelmen ushyp ketý faktileri anyqtaldy. Bul sońǵy jyldardaǵy júıeli kemshilik, óıtkeni jalpy konkýrstyq rásimderdiń nátıjeleri boıynsha ártúrli, keıde kezdeısoq merdigerlik uıymdar jumys júrgizý quqyǵyna ıe bolady. Kóbinese olar konkýrstar barysynda dempıngti praktıkada qoldanady, áskerı obektilerdi jóndeýde jáne salýda tájirıbesi joq, demek olar árqashan qajetti jumys sapasyn qamtamasyz ete almaıdy.
Qorǵanys vedomstvosynyń basshysy Áskerlerdi páterlerge ornalastyrý bas basqarmasyna osy baǵyttaǵy jumysty jandandyrýǵa jáne týyndaıtyn máselelerdi qysqa merzimde sheshýge, sondaı-aq áskerı obektilerdiń sapaly qurylysyn qamtamasyz etý boıynsha júıeli sharalar daıyndaýǵa nusqaý berdi.
«Áskerı qyzmetshiler otbasylarynyń áskerı qalashyqtarda, ásirese, alys garnızondarda qaýipsiz jáne jaıly turýy úshin jaǵdaılar jasaý jaýyngerlerdiń qyzmet múddelerin adal oryndaýynyń mańyzdy faktory bolyp tabylady», – dep atap ótti Qorǵanys mınıstri.