Qarýly Kúshter general Saǵadat Nurmaǵambetovti eske aldy
Bul týraly QazAqparat QR Qorǵanys mınıstrliginiń baspasóz qyzmetine silteme jasap habarlaıdy.
Batyrdyń esimimen atalatyn elordalyq áskerı kolledjde Saǵadat Nurmaǵambetovtyń eskertkishine gúl shoqtaryn qoıý rásimi ótti. Oǵan Qorǵanys mınıstrliginiń ókilderi, oqý ornynyń tárbıelenýshileri, «Jas sarbaz» áskerı-patrıottyq qozǵalysy jáne Qarýly kúshterdiń ardagerleri qatysty.
Qorǵanys mınıstriniń orynbasary general-leıtenant Sultan Kamaletdınov elimizdiń Qarýly kúshterin qurý men qalyptastyrýdaǵy aty ańyzǵa aınalǵan áskerı qolbasshynyń mańyzdy rólin atap ótti.
– Saǵadat Qojahmetulynyń ómir joly – Otanǵa shynaıy qyzmet etýdiń, batyldyq pen adaldyqtyń úlgisi. Ol qazaq jigitteriniń segiz qyrly, bir syrly bolatynyn, abyroımen qyzmet etetinin, sózben emes ispen dáleldegen tulǵa, – dep atap ótti ol.
Aqmola oblysynyń Aqkól qalasynda, ıaǵnı batyrdyń týǵan jerinde Keńes Odaǵynyń Batyryn Qurlyq áskerleriniń bas qolbasshysy general-leıtenant Talǵat Qoıbaqov, Aqkól aýdanynyń ákimi ıÝrıı Kýrýshın, Qarýly kúshterdiń ardagerleri, qoǵam ókilderi, batyrdyń nemeresi – zapastaǵy podpolkovnık Kelden Nurmaǵambetov qurmetpen eske aldy.
Tárbıe jáne ıdeologııalyq jumys departamentiniń bastyǵy ádilet polkovnıgi Tileýhan Basqojaev Almaty óńirlik garnızonynyń áskerı qyzmetshilerimen birge Halyq Qaharmany Saǵadat Nurmaǵambetov turǵan úıge bardy. Munda ornatylǵan memorıaldyq taqtaǵa is-sharaǵa qatysýshylar gúl shoqtaryn qoıyp, batyrdy bir mınýt únsiz turyp, eske aldy.
Bul kúni osyndaı sharalar Almatydaǵy batyrdyń esimimen atalatyn Qurlyq áskerleriniń áskerı ınstıtýtynda, Óskemen, Gvardeısk garnızondarynda jáne Qarýly kúshterdiń basqa da mekemelerinde ótti.