Qarýly top Sırııanyń taǵy bir úlken qalasyn basyp aldy

<p>ASTANA.KAZINFORM&nbsp;&mdash; Qarýly top Sırııanyń tórtinshi úlken qalasy Hamany basyp aldy. Hama qalasy strategııalyq mańyzdy ortalyq sanalady. Sırııa úkimetiniń áskeri qaladan shegingenin jarııalady. Bul týraly Kazinform <a href="https://www.inform.kz/ru/siriyskie-povstantsi-vzyali-gorod-hama-pravitelstvennaya-armiya-otstupaet-b8b22f" target="_blank" rel="noopener">menshikti tilshisi </a>habarlady.&nbsp;</p>

Sırııalyq kóterilisshiler — Haıat Tahrır ash-Sham toby (Qazaqstanda tyıym salynǵan — avt.) bastaǵan oppozıtsııalyq qarýly top beısenbi kúni Hama qalasyna basyp kirgenin habarlady. Keıin osy oqıaǵaǵa qatysty vıdeo jarııalandy.

Úkimetke qarsy kúshter Hama polıtsııasynyń shtab-páteri men birqatar áskerı áýejaılardy, sondaı-aq kórshiles birneshe aýyldy basyp aldy. Áleýmettik jelide Hama ortalyq túrmesinen bosatylǵan tutqyndardyń vıdeosy tarap ketti.

Sırııanyń Qorǵanys mınıstri beısenbi kúni Sırııa qarýly kúshteri adamdardyń ómirin saqtap qalý úshin qaıta jumyldyrylǵanyn aıtty. Vedomstvo basshysy Sırııa qarýly kúshteriniń bólimshelerin Hama qalasynan tys jerge kóshirý ýaqytsha taktıkalyq sharaǵa aınalǵanyn atap ótti.

Hamanyń qulaýy kóterilisshilerge eldiń ortalyǵyn soltústikpen jáne Jerorta teńiziniń jaǵalaýymen baılanystyratyn iri kólik torabyn alýǵa múmkindik beredi.

Buǵan deıin Sırııa myńǵa jýyq «Djebhat an-Nýsra» sodyrynyń joıylǵanyn habarlady. Sırııalyq kóterilisshiler mańyzdy qala Alepponyń ortalyq aýdandaryn basyp aldy. Batys elderi Sırııadaǵy shıelenisti deeskalatsııalaýǵa shaqyrady.

Sırııada sońǵy ýaqytta ne bolyp jatqany týraly Kazinform tilshisiniń sholý materıalynan oqýǵa bolady.