Qarý-jaraq jáne áskerı-tehnıkalyq múlikter kórmesin ózge elder sııaqty eki jylda bir ret ótkizip otyrǵan durys - M.Altynbaev
Óıtkeni bul elimizge de bizden ózge memleketterge de kerek shara. Biz Qazaqstan degen eldiń bar ekenin, onyń myqty, qýatty qorǵanys salasy bar ekenin kórsetýimiz kerek. Sondyqtan bul sharany aldaǵy ýaqytta turaqty túrde eki jylda bir ret uıymdastyryp turǵan jón», dedi Senat depýtaty Muhtar Altynbaev. Bul oıymen ol búgin Astanada ótken «KADEX-2010» qarý-jaraq jáne áskerı-tehnıkalyq múlikter kórmesinde bólisti, dep habarlaıdy QazAqparat.
Depýtattyń pikirinshe, búgingi kórmede elimizdiń ásker salasyna qatysty barlyq salalar boıynsha qajetti dúnıeler kópshiliktiń nazaryna usynyldy. «Árıne, biz kórmege Qazaqstan áskerindegi tehnıkanyń júz paıyzyn alyp keldik deı almaımyz. Biraq onyń negizgi bóligi, naqtyraq aıtqanda, baılanys quraldary men saýytty tehnıka, áýe kúshterine qarsy júıe sııaqty basty tehnıkalar osynda tur. Kórme óte jaqsy uıymdastyrylǵan. Bul bizge qajet jáne tıimdi shara», dedi Senat depýtaty.