Qarý-jaraq saýdasynyń iri arnasy men 7 zańsyz tseh joıyldy
29 naýryzda QR UQK Іshki ister mınıstrligimen birlesip, eki vedomstvonyń arnaıy maqsattaǵy bólimshelerin tarta otyryp, iri aýqymda zańsyz qarý aınalymymen aınalysqan qylmystyq top áreketiniń jolyn kesti.
Qylmystyq shemanyń qatysýshylary oqsyz atylatyn, jaraqattaıtyn, belgi beretin jáne ózge de ólimge alyp kelmeıtin qarýdy keıinnen «qara naryqta» ótkizý úshin qaıta jasaýmen aınalysqan.
Arnaıy operatsııa Astana, Almaty qalalarynda jáne Aqtóbe, Almaty, Batys Qazaqstan, Qaraǵandy, Soltústik Qazaqstan jáne Túrkistan oblystarynda bir mezgilde júrgizildi.
Nátıjesinde qylmystyq shemaǵa qatysy bar degen kúdikpen 23 adam ustaldy. 32 avtomat, 88 tapansha, 37 myltyq (barlyǵy 157 birlik qarý), 9 granata jáne ártúrli kalıbrli 27 390 oq-dári alyndy.
Qarý men oq-dáriler jasaýǵa arnalǵan arnaıy jabdyqtary men jınaqtary bar 7 qoldan jasalǵan tsehtyń jasyryn áreketi joıyldy.
Ustaý aldynda uzaq jete tekserý júrgizilip, onyń barysynda ártúrli kalıbrli urys patrondary men oq-dárilerge keltirilip qoldan jasalǵan «Kalashnıkov» avtomatyn, úsh tapanshany jedel satyp alý júzege asyryldy.
2023 jyldyń aqpanynda UQK Aqtóbe oblysynda uıymdastyrýshylary atalǵan qylmystyq toppen baılanysy bar qarýdy qoldan jasaýmen aınalysqan sheberhananyń jumysyn toqtatty.
Jedel jolmen qylmystyq shemanyń barlyq tizbegi ashyldy.
Qarýdy ótkizý tásilderi, sonyń ishinde «Darkshop» dep atalatyn Internettiń kóleńkeli segmentindegi saýda alańdary anyqtaldy.
Top músheleri qupııalylyq pen qaýipsizdiktiń qatań sharalaryn saqtaǵan, árqaısysynyń róli muqııat bólinip berilgen (jasaýshylar, satýshylar, deldaldar jáne t.b.).
Sotqa deıingi tergeý júrgizilip jatyr.
Zańsyz qarý satý jáne satyp alýǵa qatysy bar basqa da adamdardy anyqtaý boıynsha jumys jalǵasady.