Qarttar úıiniń turǵyndary Isekeshevten jańa avtobýs baǵdaryn ashýdy surady

ASTANA. QazAqparat - Búgin Astana qalasynyń kóliktik keshenin damytý baǵdarlamasyna arnalǵan qoǵamdyq tyńdaýlar barysynda qala turǵyny Erkin Dáýletuly qala ákiminen qarttar úshin qoǵamdyq kólikpen júrýdi jeńildetip, sol jaǵalaýǵa tikeleı baratyn baǵdardy ashýdy surady, dep xabarlaıdy QazAqparat tilshisi.

«Meniń qoıatyn bir-aq suraǵym bar. Osy máseleni Sizge deıin, Áset Órentaıuly, birneshe ret ákimdikke jazyldy. Biraq eshqandaı jaýap ala almadyq. Mynaý qarttar úıinde 300-den astam qarttar men múgedekter turady. 200-ge tarta qyzmetkeri bar. Mine, osylar tikeleı sol jaǵalaýǵa baratyn birde-bir kólik ótpeıdi. Osy másele boıynsha men jaýapty adamdarda bolǵanmyn. Biraq olar sheshkisi kelmeıdi», - deıdi qala turǵyny.

Osy máselege jaýapty laýazymdy tulǵalardyń aıtýynsha, aldaǵy ýaqytta qosymsha avtobýstar satyp alynady. Osynyń arqasynda jańa baǵdarlardy engizip, qarttar úıine júretin tikeleı avtobýsty júrgizýge múmkindik bar. Qarttar qazirgi 46-shy baǵdardy bir-aq shaqyrymǵa ǵana sozýǵa bolady dep otyr. Alaıda qala basshylyǵy oǵan kelispeıdi. Atalǵan máseleni jańa avtobýstardyń esebinen sheshý kózdelgen.