Qarttar men múgedektigi bar balalardy qorlaǵan stýdenttiń isin arnaıy komıtet qaraıdy

ASTANA. QazAqparat – Elordada patsıentter men múgedektigi bar balalardy qorlaǵan medıtsına stýdentiniń isin quqyq qorǵaý organdary tekserip jatyr. Bul týraly Densaýlyq saqtaý mınıstri Ajar Ǵınııat málim etti, dep habarlaıdy QazAqparat tilshisi.

«Quqyq qorǵaý organdary zań aıasynda qarap jatyr. Atalǵan istiń mán-jaıy medıtsına ýnıversıteti janyndaǵy arnaıy komıtette qaralady», - dedi Ajar Ǵınııat Úkimet otyrysynan keıin BAQ ókilderiniń saýalyna jaýap bere turyp.

Mınıstrdiń pikirinshe, ondaı mamanǵa dıplom berilmeýi kerek.

Eske sala keteıik, buǵan deıin astanalyq medıtsına stýdentiniń patsıentter men múgedektigi bar balalardy qorlaǵany týraly habarlaǵan edik.

«Іs búginde sońǵy satyda. Nátıjeleri boıynsha qorytyndy protsessýaldyq sheshim qabyldanatyn bolady. Sotqa deıingi tergeý aıaqtaldy. Sonymen qatar, kúdiktiniń advokaty materıaldarmen bir aı boıy tanysyp jatyr. Bas prokýratýramen baılanystamyn, is meniń baqylaýymda. Menińshe, mundaı is-áreketter zańnyń bar qatańdyǵymen qarastyrylýy kerek», - degen edi QR Bala quqyqtary jónindegi ýákil Dınara Zákıeva.