Qart adamdardyń koronavırýs juqtyrý jaǵdaılary jıilep barady – mınıstrlik

NUR-SULTAN. QazAqparat – Egde adamdardyń koronavırýs juqtyrý jaǵdaılary jıilep barady. Bul týraly búgin OKQ-da ótken jıynda Densaýlyq saqtaý birinshi vıtse-mınıstri Marat Shoranov aıtty, dep habarlaıdy QazAqparat tilshisi.

«Іndetti juqtyrý jaǵdaılaryn tekserý barysynda myna jaǵdaılar anyqtaldy. koronavırýsty juqtyrǵandardyń 50 paıyzy medıtsınalyq kómekke júgingen kezde anyqtalǵan. 33 paıyzy olarmen qarym-qatynasta bolǵandardy tekserý barysynda juqtyrǵany belgili bolyp otyr. 16 paıyzy aldyn alý sharalaryn júrgizgen kezde anyqtaldy. Qalǵan 1 paıyzy – syrttan kelgenderden anyqtalyp otyr. ıAǵnı, bul degenimiz karantın sharalarynyń saqtalmaýy, buqaralyq oryndarǵa halyqtyń jıi barýy, jeke qorǵanys quraldaryn qoldanbaýy saldarynan indettiń ýshyqqanyn kórsetip otyr. Іndet syrttan kelip jatqan joq, el ishinen bir-birine tarap jatyr», - dedi Marat Shoranov OKQ-da ótken baspasóz máslıhatynda.

Birinshi vıtse-mınıstr sonymen qatar, halyqtyń basqa da toptarynyń ishinde indetti juqtyrý jaǵdaıy artyp kele jatqanyn atap ótti.

«Jumys istemeıtin, zeınet jasyndaǵy azamattardyń koronavırýsty juqtyrý jaǵdaıy jıilep barady. ıAǵnı, buǵan olarmen bir úıde turatyn azamattardyń karantın sharalaryn saqtamaýy sebep bolýy múmkin. Ásirese Aqmola, Almaty, Pavlodar oblystarynda egde jastaǵy azamattardyń koronavırýs juqtyrý jaǵdaılary kóbeıgen», - dedi ol.