Qarsylasy bas tartqan «Qazaq jaýyngeri» Mardan Berikbaevpen teń tústi

ASTANA. QazAqparat - «Qazaq jaýyngeri» atanyp ketken qytaıda turatyn qandasymyz Elshat Nyǵmetollauly búgin qarsylasynyń aıqastan bas tartýyna baılanysty qazaqstandyq boksshymen qolǵap túıistirdi, dep habarlaıdy QazAqparat tilshisi.

Kútpegen jerden sharshy alańǵa Elshat Nyǵmetollaulyna  qarsy qazaqstandyq boksshy, osyǵan deıin "Astana arlandary" sapynda judyryqtasyp júrgen Mardan Berikbaev qarsylas atandy.

Qos qazaq balasy arasyndaǵy asa tartysty jekpe-jek qorytyndysy teń nátıjemen aıaqtaldy.  Tóreshiler sheshimi boıynsha biraýyzdan qos boksshy da jeńimpaz retinde qaldy.
 

Esterińizge sala keteıik, osyǵan deıin Elshat Nyǵmetollaulynyń alǵashqy qarsylasy atanady degen ázerbaıjandyq boksshy Farıd Álıev jekpe-jekten bas tartqany týraly jazǵan bolatynbyz.
 

52 keli salmaq dárejesinde WBC Asia chempıony «Qazaq jaýyngeri» atanyp ketken Elshat Nyǵmetollauly 15 jekpe-jek ótkizip, barlyǵynda jeńiske qol jetkizgen.

Eske sala keteıik, kásibı boks keshi Qazaq Promoutions promoýterlik kompanııasynyń bastamasymen Astanadaǵy «Dáýlet» sport kesheninde ótip jatyr.

Foto: Muhtar Qalımolla