«Karmetkombınat» bazasynda jel elektr stansasyna qajet metall óndirilýi múmkin

<p>&laquo;Atameken&raquo; ulttyq kásipkerler palatasynyń tóralqa tóraǵasy Raıymbek Batalov &laquo;Karmetkombınat&raquo; bazasynda jel elektr stansasyna qajet metall óndirilýi múmkin ekenin málim etti, dep habarlaıdy <a href="https://kaz.inform.kz/." target="_blank" rel="noopener">Kazinform </a>agenttigi.</p>

«Karmetkombınatqa» keletin naqty ınvestordyń kim ekenin ázirge bilmeımiz. Óıtkeni protsedýralyq máseleler túsip jatyr. Biraq keıingi eki jylda osy kásiporynnyń jetkizýshilerimen baılanysty óte kóp shaǵym bar ekenin aıtqym keledi. Keıde aqysyn ýaqytynda tólemeıdi, keıde kelisimniń shartyn oryndaýda másele týyndap jatady. Qazir osy ahýal birtindep jaqsaryp kele jatqanyn kórip otyrmyz. Úkimet jaǵdaıdy baqylaýǵa alǵan. «Karmetkombınattyń» jetkizýshilerimen baılanysty máseleleri jaqsaryp keledi», - dedi ol Azııadaǵy ózara is-qımyl jáne senim sharalary keńesiniń segizinshi bıznes forýmynda.

Aıtýynsha, bul jobaǵa sonshalyqty qomaqty ınvestıtsııa da qajet emes.

«Qazaqstandyq mazmun týraly aıtqanymdaı, jobalar bar. «Karmetkombınattyń» seriktesteri metaldyń jańa suryptaryn talap etip otyr. Ondaı metaldy kásiporyn óndire alady. Oǵan shaǵyn ınvestıtsııa ǵana qajet. Biz keletin jańa ınvestor osyny qolǵa alady dep úmittenemiz. Mysaly, jel elektr stansasyna qajet munarany jasaıtyn metall qajet. Ol metall óndirisin jolǵa qoıý úshin «Karmetkombınatqa» shaǵyn ınvestıtsııa jetip jatyr. Olar shyǵarmasa, bul metaldy Qytaıdan, Reseıden alamyz. Ózimizdiń áleýetimiz turǵanda bizge ol ne kerek?», - dedi Raıymbek Batalov.