Qarmaqshyda 1005 bala prokýratýranyń aralasýynan keıin ǵana áleýmettik kómek aldy
20:55, 13 Sáýir 2020
QARMAQShY. QazAqparat - Qyzylorda oblysy Qarmaqshy aýdanynda tabysy az otbasylardyń áleýmettik quqyǵynyń shektelgeni anyqtaldy, dep habarlaıdy QazAqparat tilshisi.
«Memlekettik ataýly áleýmettik kómek týraly» zańy boıynsha ataýly áleýmettik kómek taǵaıyndalǵan tabysy az otbasylarynyń balalaryna aı saıyn áleýmettik pakettiń berilýi kózdelgen.
«Áleýmettik paketke azyq-túlik jáne turmystyq hımııa taýarlarynyń jıyntyǵy kiredi. Degenmen aýdanda tabysy az otbasy balalaryna aǵymdaǵy jyldyń qańtar jáne aqpan aılarynyń áleýmettik paketteri berilmeı qalǵan. Prokýratýranyń usynýymen 1005 balaǵa áleýmettik paketter tolyǵymen tabystaldy», - dep málim etti Qarmaqshy aýdanynyń prokýratýrasy.