«Qarlyǵash» balabaqshasynyń ókilderi Qostanaı oblysynyń mektepke deıingi uıymdarymen tájirıbe almasty
Sapardyń alǵashqy kúni Rýdnyı qalasynyń №№12, 13, 15 balabaqshalarynda bolyp, sóıleý jáne kórý qabileti buzylǵan arnaıy toptardaǵy belsendi qyzmet ortalyqtary, EBQ bar balalardy psıhologııalyq-pedagogıkalyq súıemeldeýdiń pılottyq jobasyn iske asyrý boıynsha jumystarmen tanysty. Sonymen qatar «Balabaqshada bızneske», «Mektep jasyna deıingi balalardy kásiptik baǵdarlaý» eksperımenttik alańdary, «MU geımıfıkatsııa», «Medıasaýattylyq» ınnovatsııalyq alańdarynda boldy.
Ekinshi kúni «Qarlyǵash» balabaqshasynyń ókilderi Qostanaı qalasynyń №№3, 17 jáne «Amanat & K» JShS bilim berý kesheniniń jumysymen tanysyp, «Sheber áńgimeshiler» ınnovatsııalyq jobasy, ınjenerııa kabınetteri, «Oqyrman el – oqyrman ult» ortalyǵy, EBQ (PDK) bar balalarmen oıyn qyzmeti, EBQ (Daýn sındromy) bar balalarmen uıymdastyrýshylyq qyzmetimen tanysyp, mektep jasyna deıingi balalardy erte kásiptik baǵdarlaý jónindegi «Mamandyqqa alǵashqy qadamdar» jobasynyń tusaýkeserine qatysty.
Qalalyq balalar shyǵarmashylyǵy mektebinde oblystyq bilim basqarmasynyń jáne jergilikti mektepke deıingi bilim berý uıymdarynyń ókilderiniń qatysýymen dóńgelek ústel ótti. «Qarlyǵash» balabaqshasynyń dırektory Beıbitgúl Qazaqpaeva jınalǵandardy «Jelilik balabaqsha modeli» prezentatsııasymen tanystyryp, balabaqshanyń jetistikteri men oqytýdyń ınnovatsııalyq ádisterine toqtaldy. Resýrstyq bilim berý ortalyǵynyń ádiskeri Tatıana Zabajanova «Qozǵalys arqyly oqytý» jınalǵan pedagogterge sheberlik synybyn ótkizdi. «Qarlyǵash» balabaqshasynyń №2 obektisiniń meńgerýshisi Raýshan Qojahmetova «MDU-da bilim berý sapasyn baǵalaý úshin Esegѕ-3 shkalasyn qoldaný» taqyrybyndaǵy semınar-trenıngte ádistemeni qoldanýdaǵy balabaqshanyń tájirıbesimen bólisti.
Dóńgelek ústel barysynda Qostanaı oblystyq bilim basqarmasy basshysynyń orynbasary Danagúl Sıýndıkova óńirdegi mektepke deıingi uıymdardyń jumysyna toqtalyp, kezdesýdiń yntymaqtastyq ornatyp, tájirıbe almasý kontekstindegi mańyzyn atap ótti.
Sapar aıasynda QR PІB MO «Qarlyǵash» balabaqshasy respýblıka boıynsha mektepke deıingi bilim berý mekemeleriniń kóshbasshysy retinde óz tájirıbesin óńirlerdiń mektepke deıingi uıymdaryna taratýǵa daıyn ekendigi atalyp ótti.
Osyǵan deıin balabaqsha ókilderi óńirlerdegi «QR PІB Medıtsınalyq ortalyǵynyń kúnderi» sheńberinde delegatsııa quramynda Aqtóbe, Aqmola, Shyǵys Qazaqstan oblystary men Shymkent qalasynda bolyp qaıtty. Kezdesýdiń basty maqsaty – óńirlerdegi mektepke deıingi uıymdardy «Qarlyǵash» balabaqshasynda qoldanylatyn ınnovatsııalyq metodıkalarmen tanystyrý, ozyq pedagogıkalyq tájirıbemen bólisý.