Qarly boran: Qostanaı joldaryna qozǵalysty shekteıtin beketter qoıyldy

QOSTANAI. QazAqparat — Qostanaı oblysynda borannyń kúsheıýi saldarynan 26 baǵyttaǵy avtokólik joldary jabyldy, dep habarlaıdy QazAqparat oblystyq TJD baspasóz qyzmetine silteme jasap.

Qarly borannyń kúsheıýýine baılanysty avtokólik joldarynda tótenshe jaǵdaı departamentiniń 27 tehnıkasy men 44 qutqarýshysy kezekshilik etedi.

«Oblystaǵy avtokólik joldarynyń qar basyp, joldyń jabylyp qalý qaýpi bar tustaryna 27 jylyný pýnkti qoıylǵan. Bul oryndarda jolda qalyp qoıǵan jolaýshylardyń jylynyp, tynyǵýyna jaǵdaı jasalǵan» dep habarlady TJD baspasóz qyzmeti.

Óńirde kólik joldaryndaǵy qozǵalysty shekteıtin 16 beket qoıylǵan.

Munyń syrtynda, TJD-nyń 16 qýatty tehnıkasy men 39 qutqarýshydan quralǵan qosymsha kúshi daıyn tur.

Bular tótenshe jaǵdaı oryn alǵan jerlerge jiberiledi.