ASTANA. KAZINFORM — Ispanııalyq tennısshi Karlos Alkaras tennısten AQSh ashyq chempıonatynyń jeńimpazy atandy.
Ispanııalyq sportshy fınalda álemniń 1-raketkasy, ıtalııalyq ıAnnık Sınnerdi utty — 6:2, 3:6, 6:1, 6:4.
Osylaısha, K.Alkaras ıA.Sınnerdi bir maýsym barysynda «Úlken dýlyǵa» týrnıriniń fınalynda ekinshi ret jeńdi. Buǵan deıin ol Rolan Garrosta chempıon atanǵan edi. Sóıtip Alkaras 1973 jyldan bergi merzimde óziniń ataqty otandasy Rafael Nadaldyń jetistigin qaıtalady. R.Nadal 2008 jyly Rolan Garros pen Ýımbldonda sońǵy básekede sol kezde álemdik reıtıngide kósh bastaǵan dańqty shveıtsarııalyq Rodjer Federerdi súrindirgen bolatyn.
Bıyl AQSh ashyq chempıonatynyń jartylaı fınalynda K.Alkaras «Úlken dýlyǵa» týrnıriniń 24 dúrkin chempıony, serbııalyq Novak Djokovıchti joldan taıdyrdy.
K.Alkaras AQSh chempıonatynan keıin álemdik reıtıngide Sınnerdi basyp ozyp, kósh basyna kóterildi.
Eske sala keteıik, budan buryn Novak Djokovıchtiń taǵy bir rekordtyq nátıjege qol jetkizgenin jazǵan bolatynbyz.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).