Qarqaralyda stýdentter úshin 100 oryndyq jataqhana salyndy

QARQARALY. QazAqparat – Elbasynyń bes áleýmettik bastamasyn iske asyrý aıasynda Myńjasar Ádekenov atyndaǵy Qarqaraly aýyl sharýashylyǵy kolledjiniń stýdentteri úshin jańa jataqhana salyndy. Tórt qabatty ǵımarat 100 orynǵa shaqtalǵan. Bul stýdent jastardyń jatyn ornyna qatysty máseleni sheshýge múmkindik beredi, dep habarlaıdy QazAqparat tilshisi.

Jobalyq menedjmenttiń arqasynda jataqhana qurylysy josparlanǵan merziminde aıaqtaldy, jaqyn arada ol stýdentterdi qabyldaı bastaıdy. Jaıly bólmeden basqa, munda jumsaq jıhaz jáne teledıdar ornatylǵan demalys orny, kompıýteri bar oqý zaldary, sondaı-aq kir jýatyn oryndar bar.

«Búgingi tańda Qarqaraly aýylsharýashylyq kolledjinde 158 stýdent bilim alýda. Olardyń kópshiligi eldiń túkpir-túkpirinen keledi. Nátıjeli jumyspen qamtý jáne kásipkerlikti damytý memlekettik baǵdarlamasy aıasynda 45 oqýshy respýblıkalyq bıýdjet esebinen bilim alýda. Buryn olar oqý ornynan birneshe shaqyrym jerde ornalasqan eski jataqhana ǵımaratynda turǵan. Olarǵa oqýǵa jaıaý barýǵa týra keldi», – dedi Qarqaraly aýdany ákimdiginiń baspasóz hatshysy Gúlbarshyn Jumahanova.

Shahtınsk qalasynda da stýdentter jataqhanasyn salý kerek. Bul máseleni sheshý úshin eski oqý oryndarynyń birinde kúrdeli jóndeý júrgizilýip jatyr. Ǵımarat jataqhana retinde qaıta jóndeledi. Ondaǵy jumys 65%-ǵa oryndaldy.

Qaraǵandyda taý-ken metallýrgııa kolledjiniń jataqhanasyna kúrdeli jóndeý júrgizý úshin joba-smeta qujattamasy ázirlendi.

Qaraǵandy oblysynda kolledj janyndaǵy 30 jataqhana bar. Olar 4 410 orynǵa eseptelgen.