Qarqaraly aýdanynyń eriktileri Shaıtankól jaǵasyn qoqystan tazartty
18:03, 28 Shilde 2021
QARQARALY. QazAqparat – Shaıtankól kóliniń jaǵalaý aýmaǵyn tazartý boıynsha aktsııa aýdandyq ishki saıasat bólimi men Qarqaraly jastar resýrstyq ortalyǵynyń bastamasymen eriktilerdi tarta otyryp ótkizildi.
«Shaıtankól – Qarqaraly aýdanynyń injý-marjany. Jyl saıyn kóldiń jaǵasynda júzdegen týrıster bolady. Ókinishke oraı, olar kóbinese qoqys tastap ketedi. Biz muny kóre tura, qol qýsyryp otyra almaımyz. Sondyqtan qoqysty óz kúshimizben jınaýdy jón kórdik», – deıdi eriktiler.
Kóldiń jaǵalaý aýmaǵyn tazalaýǵa JasStar jasaǵynyń eriktileri jáne «Jasyl el» jastar jasaǵynyń sarbazdary qatysty.
«Eriktiler kúshimen kól aýmaǵynan qoqys shyǵaryldy. Aktsııaǵa 15 adam qatysty», – dedi Qarqaraly aýdanynyń jastar resýrstyq ortalyǵynyń dırektory Ersaıyn Qoblandy.