Qarqaralyda adamdarǵa shapqan qasqyrdan qutyrý aýrýy anyqtaldy

<p>Qarqaralyda maldar men janýarlarǵa qatysty shekteý engizildi. Mundaı sharaǵa qalada kózi joıylǵan qasqyrdyń saraptamasynan qutyrý aýrýynyń anyqtalýy sebep bolyp otyr, dep habarlaıdy <a href="https://kaz.inform.kz/" target="_blank" rel="noopener">Kazinform</a> tilshisi.</p>

Qarqaralyda 2023 jyldyń 27 jeltoqsanynan bastap profılaktıkalyq maqsatta shekteý sharalary jarııalandy.

«Astana qalasyndaǵy veterınarııa boıynsha ulttyq referenttik ortalyǵynda qasqyrdyń mıyn zerttegende qutyrý aýrýy anyqtaldy. Osyǵan oraı Qarqaraly qalasynda qutyrý aýrýyna shekteý qoıylady degen oıdamyz», - dep málimdedi Qarqaraly qalasynyń ákimdigi.

Osyǵan baılanysty qalada kelesideı sharalarǵa tyıym salynady:

- ıtter men mysyqtardyń kórmesin ótkizýge, qutyrýǵa kúdikti bolǵan maldyń ónimin (sút, et, teri) shyǵaryp, tasymaldaýǵa;

- aýyl sharýashylyq janýarlaryn, ıtter men mysyqtardy shyǵarýǵa jáne tasymaldaýǵa;

Profılaktıkalyq sharalar barysynda ıtter men mysyqtardy jáne basqa da janýarlardy ustaý jaǵdaıyn tekserý boıynsha aýlalardy aralaý júrgiziletin bolady. Aýrýǵa kúdikti bolǵan jaǵdaıda, dezınfektsııa júrgiziledi. Sondaı-aq, barlyq janýarlarǵa (aýyl sharýashylyq janýarlary, ıt, mysyq) qutyrý aýrýyna qarsy ekpe jasalady.

Bul shekteý sharalary shamamen bir aıǵa engiziledi.

«Búgingi kúnge Qarqaraly qalasy boıynsha aýyl sharýashylyǵy janýarlary men ıtterden jáne mysyqtardan qutyrý aýrýy anyqtalǵan joq. Úıdegi maldaryńyz ben ıtterińizde qutyrý belgileri baıqalsa, dereý aýdandyq veterınarııalyq ınspektsııaǵa 31939, veterınarııalyq stantsııaǵa 32304 nomerine mindetti túrde habarlasý kerek», - dep qosty qala ákimdiginiń ókilderi.

Eske salsaq, 21 jeltoqsanda Qarqaraly qalasynyń kóshelerinde qasqyr adamdarǵa shaýyp, úsh turǵyn aýrýhanaǵa júgingen bolatyn.