Qarqaraly ormanynan joǵalǵan áıeldiń denesi tabyldy

<p>Qarqaralyda ormanǵa sańyraýqulaq terýge ketip, joǵalyp ketken áıelge 4 kún boıy izdeý júrgizildi. Búgin tańerteń ol tirshilik belgilerinsiz tabyldy, dep habarlaıdy <a href="https://kaz.inform.kz/" target="_blank" rel="noopener">QazAqparat </a>tilshisi.</p>

20 qyrkúıekten beri Qarqaraly aýdanyndaǵy «Berloga» demalys aımaǵy aýmaǵynda ormanda adasyp ketken 1951 jyly týǵan áıeldi izdeý jumystary júrgizildi. Ol sańyraýqulaq terýge ketken. Joǵalǵan áıeldi izdeýge Tótenshe jaǵdaılar departamentiniń kúshteri, TJM 52859 áskerı bólimi, polıtsııa departamenti men erikti turǵyndar jiberildi.

«24 qyrkúıekte saǵat 10:54-te «Berloga» demalys aımaǵynan ońtústikke qaraı 8 shaqyrym jerde izdestirý toby iz-túzsiz joǵalǵan áıeldi tapty», - dep habarlady Qaraǵandy ​​oblysy Tótenshe jaǵdaılar departamentiniń baspasóz qyzmeti.

Qaraǵandy ​​oblysynyń Tótenshe jaǵdaılar departamenti tabıǵat aıasyna shyqpas buryn aýa raıy boljamyn tekserip, uıaly telefonyńyzdy zarıadtap, qaıda jáne qashan baratynyńyzdy týystaryńyzǵa aıtyp, olarmen baılanysta bolý kerektigin eske salady.

Kez-kelgen oqys jáne tótenshe jaǵdaıda 112 nemese 8 (7212) 433636, 433737 telefondaryna habarlasyńyz.