Qarqaraly — Qazaqstandaǵy eń úzdik 50 týrıstik orynnyń qatarynda

<p>QARAǴANDY. KAZINFORM &mdash; Qarqaraly jyl saıyn demalýshylar aǵyny artyp keledi. Týrısterdi tartýdy ulǵaıtý úshin jańa demalys oryndary qurylyp, etnotýrızm damyp jatyr. Bıyl Qarqaralyda bóget jaǵalaýy abattandyrylyp, kommýnaldyq jaǵajaı jabdyqtaldy. Bul týraly Qaraǵandy oblysy ákimdiginiń baspasóz qyzmeti málim etti.&nbsp;</p>

Ákimdiktiń dereginshe, etnoaýyl men qonaq úıleri bar týrıstik keshen qurylýy tıis.

Biraq ınfraqurylym máseleleri áli de ózekti bolyp qala beredi. Mańyzdy jobalardyń biri — Qaraǵandy — Qarqaraly respýblıkalyq jolyn jóndeý.

Foto: Qaraǵandy oblystyq ákimdiginiń baspasóz qyzmeti

Qaraǵandy oblysynyń ákimi Ermaǵanbet Bólekpaev trassanyń jóndelgen ýchaskelerimen júrip ótti. Jol salýshylar aldaǵy josparlar týraly aıtty.

Ótken jyly Qarqaraly aýylynan Mataq aýylyna deıin 62 shaqyrym jóndeldi. Bıyl Mataqtan Aşysýǵa deıin taǵy 53 shaqyrym jóndeldi. Tórt avtobýs pavılony aýystyryldy. Sondaı-aq, jol boıyndaǵy sý ótkizgish qubyrlardy qaıta qurý júrip jatyr.

Foto: Qaraǵandy oblystyq ákimdiginiń baspasóz qyzmeti

— Qalǵan 85 shaqyrymǵa ortasha jóndeý júrgizý úshin merdiger uıym anyqtaldy. Qazir materıaldar daıyndalýda. Olardyń barlyǵy qazaqstandyq óndiris, — dedi «Qazavtojol» UK» AQ Qaraǵandy oblystyq fılıalynyń dırektory Erlan Jumaǵulov.

Sondaı-aq, jolda sanıtarlyq-gıgıenalyq toraptar ornatylady. Jumys aýdan ákimdigimen birlesip júrgizilýde. Ázirge Qarqaralyǵa kire beriste bir alań anyqtaldy, onda sanıtarlyq toraptan basqa saýda pavılondary bolady. Ákimdik kommýnaldyq jelilerdi ótkizý boıynsha jumys júrgizdi.

Ermaǵanbet Bólekpaev jol jóndeý sapasyna jáne jol boıyndaǵy aýmaqtyń sanıtarlyq jaǵdaıyna baqylaý jasaýdy tapsyrdy.

— Adamdarǵa yńǵaıly jerde aıaldamalar ornatyńyzdar. Júrgizýshilerdiń ádette qaıda toqtaıtynyna nazar aýdaryńyzdar. Aǵyny bar jerlerdi abattandyrý qajet, — dep atap ótti Qaraǵandy oblysynyń ákimi.

Jolda ınternetke turaqty qol jetimdilik paıda bolýy kerek. Ol úshin respýblıkalyq jolda antenna-dińgek qurylystary ornatylady.

Foto: Qaraǵandy oblystyq ákimdiginiń baspasóz qyzmeti

Jalpy óńirdiń damýy týraly Qarqaraly aýdanynyń ákimi Ádiljan Arǵynov baıandady. Bıyl Qaraǵandy — Aıagóz — Buǵaz jolynyń 16,2 shaqyrymyna ortasha jóndeý jumystary bastaldy. Jumystardy 2025 jyly aıaqtaý josparlanýda. Oblystyq mańyzy bar Qarqaraly — Aqjol — Qoıandy tas jolynyń 52 shaqyrymyna jóndeý jumystary aıaqtaldy. «Aýyl — El besigi» jobasy boıynsha Jarly, Tegisshilik, Appaz eldi mekenderindegi kentishilik joldar jóndeledi.

Qarqaralyda uzyndyǵy 2,6 km bolatyn Toqtar Áýbákirov atyndaǵy basty kósheni qaıta jańartý jumystary júrgizilýde.

Jumys sapary barysynda Ermaǵanbet Bólekpaevqa Jarly-Qarqaraly toptyq sý qubyrynyń qurylysy týraly baıandaldy. Nysan qaladaǵy sý tapshylyǵy máselesin sheshedi. 40 km sý qubyry salyndy. Jumystar aıaqtaldy. Qosylý kelesi jylǵa josparlanǵan. Qalaishilik jelilerdi jańǵyrtý qajet.

Foto: Qaraǵandy oblystyq ákimdiginiń baspasóz qyzmeti

Qarqaralylyqtardy sapaly aýyz sýmen qamtamasyz etý úshin taǵy da birqatar jobalar iske asyrylýda. Mataq, Tumar, Qaraǵaıly, Terekti, Búrkitti, Tomar aýyldarynda sý qubyry jelileriniń qurylysy aıaqtalýda. Toǵyz shaǵyn eldi mekende bloktyq-modýldik sorǵy stantsııalary ornatyldy.

Qarqaralyda uzyndyǵy 2,6 km bolatyn Toqtar Áýbákirov atyndaǵy basty kósheni qaıta jańartý jumystary júrgizilip jatyr. 

Foto: Qaraǵandy oblystyq ákimdiginiń baspasóz qyzmeti

Jumys sapary barysynda Ermaǵanbet Bólekpaevqa Jarly-Qarqaraly toptyq sý qubyrynyń qurylysy týraly baıandaldy. Nysan qaladaǵy sý tapshylyǵy máselesin sheshedi. 40 km sý qubyry salyndy. Jumystar aıaqtaldy. Qosylý kelesi jylǵa josparlanǵan. Qalaishilik jelilerdi jańǵyrtý qajet.

Qarqaralylyqtardy sapaly aýyz sýmen qamtamasyz etý úshin taǵy da birqatar jobalar iske asyrylýda. Mataq, Tumar, Qaraǵaıly, Terekti, Búrkitti, Tomar aýyldarynda sý qubyry jelileriniń qurylysy aıaqtalýda. Toǵyz shaǵyn eldi mekende bloktyq-modýldik sorǵy stantsııalary ornatyldy.

Sapar sońynda oblys ákimi Myńjasar Ádekenov atyndaǵy aýyl sharýashylyǵy kolledjinde bolyp qaıtty. Munda aýyl úshin suranysqa ıe jumysshy mamandyqtary boıynsha mamandar daıarlanady.