Kárizdik tazartý júıesin naryqtyq qarjylandyrýǵa kóshý usynyldy
Bul týraly Premer-Mınıstr Asqar Mamın Májilis depýtattarynyń saýalyna bergen bergen jaýabynda aıtty.
«Qazaqstan Respýblıkasynyń Úkimeti sizderdiń kárizdik tazartý ımarattaryn salý jáne rekonstrýktsııalaýǵa qatysty saýalyńyzǵa sáıkes kelesini habarlaıdy. Qazirgi ýaqytta QR Úkimeti qala halqyn aǵyndy sýlardan tazartýmen qamtýdy 2025 jyly 74,9%-dan 100%-ǵa deıin ulǵaıtý úshin KTI salý jáne rekonstrýktsııalaý boıynsha júıeli sharalar qabyldaýda. Jobalardy iske asyrýǵa daıyndyq maqsatynda turǵyn úı-kommýnaldyq sharýashylyq salasynyń aǵymdaǵy jaǵdaıy taldandy. Sýmen jabdyqtaý jáne sý burý salasyn basqarýdyń halyqaralyq tájirıbesi zerdelendi. Dúnıejúzilik bank reformalardy qabyldaý jáne sý arnalarynyń shyǵyndaryn ońtaılandyrý, tarıfterdi kóterý jáne jeke ınvestıtsııalardy tartý arqyly naryqtyq qarjylandyrýǵa kezeń-kezeńimen kóshý strategııasyn usynýda», - dedi Úkimet basshysy óz jaýabynda.
Sondaı-aq, ol atalǵan strategııa jeke ınvestorlardy tarta otyryp, memlekettik-jekeshelik áriptestik aıasynda júzege asatynyn málim etti.