Káriz qudyǵyna nájis tókken almatylyqqa aıyppul salyndy

ALMATY. QazAqparat - Almatyda nájisti káriz qudyǵyna tókken assenızator júrgizýshisi jazalandy, dep habarlaıdy QazAqparat tilshisi.

Alataý aýdanyna qarasty «Aqbulaq» yqshamaýdanynyń turǵyndary abattandyrý erejesiniń buzylǵanyna baılanysty polıtsııaǵa aryz túsirdi.

«Tıisti tekserý júrgizildi. Nátıjesinde assenızator júrgizýshisi – 1973 jyly týǵan Sembekov anyqtaldy. Bul áreketi úshin ol QR Ákimshilik quqyq buzý kodeksiniń 505-baby boıynsha ákimshilik jaýapqa tartyldy. Oǵan 30 AEK (87 510 teńge) kóleminde aıyppul salyndy», - dep jazdy Facebook paraqshasynda Almaty qalalyq polıtsııa departamenti bastyǵynyń orynbasary Rýstam Ábdirahmanov.

Buǵan deıin ózen arnasyna káriz sýyn aǵyzǵan Almaty turǵyny jazalanǵan bolatyn.

Quqyq buzýshy Jarbulaq (Kazachka) ózenine sarqyn sýdy zańsyz aǵyzýdy anyqtaý úshin ótkizilgen reıd kezinde ustaldy.