Qarııalardyń zeınetaqysyn urlaǵandar jaýapqa tartyldy

QARAǴANDY. QazAqparat - Qaraǵandy oblysy Abaı qalasyndaǵy qarttar úıiniń dırektory N.Syzdyqan qarııalardyń zeınetaqy tólemderi men járdemaqylaryn urlaǵany úshin 2 mln teńge aıyppul tóleıdi, dep habarlaıdy QazAqparat.

Qarjylyq monıtorıng agenttiginiń málimetinshe, vedomstvonyń Qaraǵandy oblysy boıynsha departamenti «Qamqor» jedel aldyn-alý sharasy aıasynda qarttar úıiniń qamqorlyǵyndaǵy 90 adamynyń qarajatyn urlaý faktisin anyqtaǵan bolatyn, onyń ishinde 30 múgedek pen 60 zeınetker bar.

Aıyppuldan basqa, dırektorǵa ómir boıy memlekettik qyzmette jumys isteýge tyıym salynady.

Sondaı-aq, KMM-niń áleýmettik jumys jónindegi eki mamanyna M.Evstafeva men ıÝ.Lımareva jáne Abaı qalasynyń «Qazposhta» bólimshesiniń qyzmetkeri L.Brýshnevskaıaǵa qyzmettik jaǵdaılaryn paıdalanýmen ushtasqan senimdi aldaý jáne teris paıdalaný jolymen ózgeniń múlkin urlaǵany úshin úkim shyǵaryldy.

Olar kináli dep tanylyp, 3 jyl 6 aı merzimge bas bostandyǵyn shekteý túrindegi jaza taǵaıyndaldy jáne jazany óteýdiń merziminde májbúrli eńbekke tartyla otyryp, probatsııalyq baqylaý belgilendi.