Karına Ibragımova bokstan Olımpıada lıtsenzııasyn ıelendi

<p>Qytaıda ótip jatqan Azııa oıyndarynda Karına Ibragımova Olımpıada oıyndaryna bokstan alǵashqy joldamany jeńip aldy, dep habarlaıdy <a href="https://kaz.inform.kz/" target="_blank" rel="noopener">QazAqparat</a> Týrızm jáne sport mınıstrligine silteme jasap.</p>

Karına Ibragımova Azııa oıyndarynyń 1/4 kezeńinde mońǵol sportshysy Namýýn Monhordy 5:0 esebimen utyp, jartylaı fınalǵa ótti. Sondaı-aq ol bokstan Parıjge alǵashqy joldamany jeńip aldy. 

27 jastaǵy qazaqstandyq boksshy álem chempıonatynyń úsh dúrkin júldegeri, 57 keli salmaq sanatynda óner kórsetedi. 

Búgin sonymen qatar Azııa oıyndarynda Saǵyndyq Toǵambaı alań qojaıyny Han Sıýechjennen jeńilip, qola medal aldy. 

Al Natalıa Bogdanova 66 kelige deıingi salmaq dárejesiniń shırek fınalynda Mońǵolııa ókili Tsetsegdarı Mıagmarsýrenmen judyryqtasyp, tóreshilerdiń biraýyz sheshimimen jeńiske jetti. Osylaısha ol qurlyq birinshiliginiń jartylaı fınalyna shyǵyp, ózin keminde qola júldemen qamtamasyz etti.

Buǵan deıin 1 qazanda sharshy alańǵa shyǵatyn boksshylardyń kestesin jarııalaǵan bolatynbyz.