Karına Gorıcheva aýyr atletıkadan el chempıonatynda top jardy

<p>ASTANA. KAZINFORM - Aýyr atletıkadan Qostanaıdaǵy el chempıonatynyń jeńimpazdary men júldegerleri anyqtaldy.</p>

Erler saıysynda 73 kelide chempıondyq báseke almatylyq Álibek Raqymberdi men Erasyl Sáýlebekovtiń arasynda ótetindigi belgili edi. Bul salmaq Olımpıadalyq salmaq retinde sanalady.

Keıingi jyldarda eki sportshy atalǵan salmaqta bir-birimen básekege túsip keledi. 2022 jyly el chempıonatynda Erasyl top jarsa, 2024 jyly Álibek úzdik ekendigin dáleldep otyr.

Al áıelder arasynda 2016 jylǵy Rıo Olımpıadasynda qola medal alǵan Karına Gorıcheva (64 keli) qossaıystyń qorytyndysymen 198 kelini (90+108) baǵyndyryp, jeńis tuǵyryna kóterildi. Odan keıingi oryndardy Aıǵanym Janbolat (Almaty oblysy) menKıra Danılova (Aqmola oblysy) ózara bólisti.

Esk salsaq, budan buryn aýyr atletıkadan el chempıonatynda 17 aqpandaǵy jeńimpazdar anyqtaldy.