Qarın Prezıdenttiń Ulttyq quryltaıdyń II otyrysynda kótergen bastamalary boıynsha jospar ázirleýdi tapsyrdy

ASTANA. QazAqparat - Memlekettik keńesshi Prezıdenttiń Ulttyq quryltaıdyń II otyrysynda kótergen bastamalaryn iske asyrý jóninde keńes ótkizdi, dep habarlaıdy QazAqparat Aqordanyń resmı saıtyna silteme jasap.

Memlekettik keńesshi Erlan Qarın Prezıdent Qasym-Jomart Toqaevtyń Ulttyq quryltaıdyń ekinshi otyrysynda kótergen bastamalaryn júzege asyrý boıynsha keńes ótkizdi.

Erlan Qarın Memleket basshysynyń bastamalary men tapsyrmalary elimizdiń mádenı jáne rýhanı salasyn ortamerzimdi perspektıvada damytýdy kózdeıtin «Jol kartasy» sekildi ekenin atap ótip, onyń josparly túrde, ret-retimen ári tıimdi iske asyrylýyn qamtamasyz etý qajet ekenin aıtty.

Sondaı-aq Memlekettik keńesshi Quryltaı músheleriniń úsh sektsııada jáne plenarlyq otyrysta kótergen ıdeıalary men usynystaryna zerdeleý jumystaryn júrgizýdi, saraptama nátıjesi boıynsha olardy qarastyrýdyń Biryńǵaı josparyn ázirleýdi tapsyrdy.