Karımov izbasarynyń aldyńǵy baǵyttan aýytqýy shektelgen - M.Shıbutov

ASTANA. QazAqparat - Ózbekstan óz kóshbasshysynan aıyrylǵannan keıingi barlyq qaýipterge qaramastan burynǵy prezıdent Islam Karımov kezindegi saıası baǵytyn jalǵastyra beredi. QazAqparat tilshisine suhbat bergen qazaqstandyq saıasattanýshy Marat Shıbutov osylaı pikir bildirdi.

«Ózbekstan Islam Karımov kezindegi baǵytynan taıqyp ketedi dep oılamaımyn. Sebebi, oqıǵalar logıkasyna jáne ol jaqta oryn alyp otyrǵan jaǵdaıǵa baılanysty mundaı baǵyttan qatty aýytqyp kete almaısyń. ıAǵnı, I.Karımov murageriniń baǵyttan taıýyna keńistik is júzinde aýqymdy deý qıyn jáne ol qandaı da bir jahandyq emes, tek qandaı da bir ákimshilik ári ekonomıkalyq máselelerge baılanysty ǵana. Sondyqtan da Qazaqstanmen qarym-qatynas turǵysynda birdeńe ózgere qoıady dep oılamaımyn», - dedi M.Shıbutov.

Onyń aıtýynsha, kez kelgen elde bıliktiń aýysýy kez kelgen saıası júıege jáne tolyqtaı alǵanda qoǵamǵa kúızelis ákeledi.

«Sol sebepti Ózbekstannyń jańa kóshbasshysyna óziniń zańdy quzyretin nyǵaıtyp, halyqtyń rýhyn kóterý úshin qandaıda bir joldarmen bul problemanyń ornyn toltyrý qajet dep oılaımyn. Al Qazaqstanmen qarym-qatynasyna qatysty taǵy da aıtarym, menińshe, túbegeıli eshteńe ózgere qoımaıdy», - dedi saıasattanýshy.

 

Esterińizge sala keteıik, keshe Ózbekstannyń úkimeti men parlamenti el prezıdenti Islam Karımovtyń 79 jasqa qaraǵan shaǵynda qaıtys bolǵany týraly resmı túrde habarlama taratty. Jerleý rásimi búgin, 3 qyrkúıek kúni Samarqandta bolady.