Kárim Másimov «Baıankól» shekara bólimshesindegi áskerı qyzmetshilerdi merekesimen quttyqtady

ALMATY OBLYSY. QazAqparat – Ulttyq qaýipsizdik komıtetiniń tóraǵasy Kárim Másimov «Baıankól» bólimshesiniń áskerı qyzmetshilerin quttyqtady, dep habarlaıdy QazAqparat vedomstvonyń saıtyna silteme jasap.

Komıtettiń málimetinshe, 17 tamyzda Shekarashylar kúni qarsańynda UQK tóraǵasy, ulttyq qaýipsizdik general-leıtenanty K.Másimov Almaty oblysynyń «Baıankól» Shekara bólimshesinde bolyp, vedomstvonyń jeke quramy men ardagerlerin quttyqtap, Otannyń qasıetti shepterin kúzetý jónindegi jaýapty qyzmette tabys tiledi.

«Memlekettik shekarany senimdi qorǵaýdy jáne kúzetýdi qamtamasyz etý komıtettiń mańyzdy mindeti bolyp tabylady jáne el basshylyǵynyń jiti nazarynda.

Jańa qaýip-qaterler men syn-tegeýrinderdi eskere otyryp, Shekara qyzmetin reformalaý jáne Ulttyq qaýipsizdik organdary júıesine ıntegratsııalaý júrgizildi», delingen habarlamada.

Eske sala ketsek, 1992 jyly Táýelsiz Qazaqstannyń shekara qyzmetin qurý týraly Jarlyqqa qol qoıý qarsańynda Tuńǵysh Prezıdent – Elbasy Nursultan Nazarbaev Almaty oblysyndaǵy «Baıankól» zastavasynda boldy.