Karım Benzema saýdııalyq «Ál-Ittıhad» klýbynyń oıynshysy atandy

ASTANA. QazAqparat – «Altyn dop» ıegeri, frantsııalyq shabýylshy Karım Benzema saýdııalyq «Ál-Ittıhad» klýbynyń oıynshysy atandy, dep habarlaıdy QazAqparat tilshisi.

Shampionat.com saıtynan málim etkenindeı, bul týraly atalmysh klýb óziniń Tvıtterdegi paraqshasynda habarlaǵan.

«Benzema bizbe birge. Jańa jolbarys yryldap tur. Qosh keldiń «Ittıhadqa», dep jazdy «jolbarystar» atanyp ketken klýb.

Kelisimshart 2026 jylǵa deıin jasalǵan.

«Ál-Ittıhad» – Saýd Arabııasynyń chempıony. «Ál-Ittıhad» bıyl ataqty portýgalııalyq shabýylshy Krıshtıaný Ronaldý óner kórsetetin «Ál-Nasr» komandasyn da artta qaldyrdy.

Osyǵan deıin Karım Benzema Madrıdtiń «Real» klýby sapynda 14 maýsymda 647 match ótkizip, 353 gol soqty. Bıylǵy maýsymda ol 23 oıynda 18 goldyń avtory atanyp, 3 nátıjeli pas berdi.

Eske sala keteıik, budan buryn fýtboldan birinshi lıgada «Aqjaıyqtyń» iri eseppen jeńiske jetkenin jazǵan edik.