Karım Benzema Frantsııa quramasynan ketti

ASTANA.QazAqparat - Bıylǵy «Altyn doptyń» ıegeri Karım Benzema Frantsııa quramasyndaǵy mansabyn aıaqtaǵanyn jáne halyqaralyq fýtboldan ketetinin málimdedi, dep habarlaıdy QazAqparat Euronews-ke silteme jasap.

«Men barynsha tyrystym jáne jibergen qatelikterim de boldy, bul meni búgingi jaǵdaıǵa ákeldi jáne men ony maqtan tutamyn», - dep jazdy fýtbolshy Twitter paraqshasynda.

Benzema jaraqatyna baılanysty Qatarda ótken álem chempıonatyna qatysa almady jáne ótken jyly komandaǵa Ulttar lıgasynda jeńiske jetýge kómektesti.

Buǵan deıin ıntımdik vıdeo arqyly bopsalady degen aıyppen shabýylshy ulttyq qurama sapynda bes jyl oınaı almaǵan bolatyn.

Buǵan deıin Frantsııa quramasy men Ispanııanyń «Real Madrıd» klýbynyń shabýylshysy Karım Benzema alǵan jaraqatynan tolyqtaı aıyǵyp, qurama sapyna qaıta qosylýy múmkin ekeni habarlanǵan edi.

Foto: twitter.com/Benzema