Kardıohırýrgııa boıynsha qyzmetterge jańa tarıf engiziledi
«Tegin medıtsınalyq kómektiń kepildik berilgen kólemi sheńberinde jáne mindetti áleýmettik medıtsınalyq saqtandyrý júıesinde kardıohırýrgııa boıynsha tarıfterdi qaıta qaraý boıynsha usynystar ázirlendi. 2021 jylǵa arnalǵan medıtsınalyq qyzmetterge tarıfterdi qalyptastyrý jónindegi jumys josparyna sáıkes ázirlengen tarıfterdi pılottyq testileý kózdelgen. Aǵymdaǵy jyldyń 4-toqsanynda kardıohırýrgııa boıynsha qyzmetterge jańa tarıfter engiziledi», - dedi Asqar Mamın.
Onyń atap ótýinshe, «Respýblıkalyq jáne oblystyq bıýdjetter, respýblıkalyq mańyzy bar qalalar, astana bıýdjetteri arasyndaǵy 2020-2022 jyldarǵa arnalǵan jalpy sıpattaǵy transfertterdiń kólemi týraly» Qazaqstan Respýblıkasynyń Zańy aıasynda densaýlyq saqtaý uıymdarynyń kúrdeli shyǵyndaryna jalpy somasy 105 mlrd teńge qarastyrylǵan.
«Qazirgi ýaqytta Dúnıejúzilik banktyń qaryzy aıasynda medıtsınalyq uıymdardy, onyń ishinde kardıohırýrgııalyq uıymdardy, medıtsınalyq jabdyqtarmen qamtamasyz etý pysyqtalýda. 2020 jylǵy 8 jeltoqsanda Densaýlyq saqtaý mınıstrliginde «Universal Medical Center» korporatıvtik qorynyń (budan ári – «UMC» KQ) Basqarma tóraǵasy ıÝ.Pıanyń qatysýymen balalar kardıohırýrgııasyn damytý taqyrybynda kezdesý ótkizildi. «UMC» KQ aýmaǵynda balalar hırýrgııalyq ortalyǵyn salý máselesi pysyqtalýda», - dedi Úkimet basshysy.