Qarajat yqshamdalady – Mádenıet mınıstrligi Abaı toıyn ótkizý josparyna ózgeris engizbek

NUR-SULTAN. QazAqparat – Mádenıet jáne sport vıtse-mınıstri Nurǵısa Dáýeshov Abaıdyń 175 jyldyǵyn toılaý aıasynda ysyrapshyldyqqa jol bermeýge qatysty Prezıdent tapsyrmasy qalaı oryndalatynyn aıtyp berdi, dep habarlaıdy QazAqparat tilshisi.

«Árıne, Memleket basshysy naqty tapsyrma berip, ysyrapshyldyqqa jol bermeý kerektigin eskertti. Prezıdent «Abaı jáne HHІ ǵasyrdaǵy Qazaqstan» maqalasynda «Abaıdyń toıynan da, oıynan da taǵylym alýymyz kerek» dep aıtqan bolatyn. Abaıdyń ózi de «beker mal shashpaqtyqty» quptamaǵan. Odan da halqymyzǵa, memleketimizge mura retinde qalarlyq dúnıe jasaýymyz kerek. Memleket basshysynyń yqshamdaý jáne qarajatty bekerge shashpaý boıynsha bergen tapsyrmasyna oraı naqty jumystar júrgizilip, bıylǵy josparǵa ózgertýler engiziledi. Árıne, ár sharanyń deńgeıine baılanysty aıtylǵan tapsyrma oryndalady. Bastysy – Abaı murasyn nasıhattaý. Birinshi bólingen qarajattan yqshamdalady», - dedi Nurǵısa Dáýeshov.

Vıtse-mınıstr bul rette sharalardyń sapasyna mańyz beriletinin qosyp ótti.

Eske sala ketsek, ótken aıda Úkimettiń keńeıtilgen otyrysynda Prezıdent Qasym-Jomart Toqaev Abaıdyń 175 jyldyǵyna arnalǵan sharalar qandaı baǵytta ótýi kerektigin túsindirip, ysyrapshyldyqqa jol bermeý kerektigin eskertken bolatyn.

«Sheteldik ártisterdi tartýdyń qajet joq. ıAǵnı, demeýshilik qarjy bólingenniń ózinde, ysyrapshyldyq kerek emes. Meniń oıymsha, osy sharalardy iskerlik turǵyda ótkizýge bolady», - degen edi Prezıdent.