Qarajat eń mańyzdy máselelerdi sheshýge jumsalýy qajet - Prezıdent bıýdjet qarjysyn únemdeý týraly

<p>ASTANA. KAZINFORM - Bıýdjet qarjysyn ońdy-soldy jumsaýǵa bolmaıdy. Muny qatań baqylaýda ustaý kerek. Qarajat eń qajet jobalarǵa, eń mańyzdy máselelerdi sheshýge jumsalýy qajet. Bul týraly Memleket basshysy Qasym-Jomart Toqaev Ulttyq quryltaıdyń úshinshi otyrysyndaǵy sózinde aıtty, dep habarlaıdy Aqordanyń baspasóz qyzmeti.&nbsp;</p>

«Taǵy bir másele – bıýdjet qarjysyn únemdeý. Úkimet bul máseleni árdaıym basty nazarda ustaýǵa tıis. Qazir bıýdjettiń kirisi men shyǵysy qaıta qaralyp jatyr. Qarjyny ońdy-soldy jumsaýǵa bolmaıdy, bul – aqıqat. Memlekettik mekemelerdiń bıýdjetin tekserip otyrmasa, shyǵystary ulǵaıa beredi. Muny qatań baqylaýda ustaý kerek. Taǵy da qaıtalap aıtamyn. Qarajat eń qajet jobalarǵa, eń mańyzdy máselelerdi sheshýge jumsalýy qajet.

Men búgin taǵy bir ózekti máselege qatysty oıymdy ortaǵa salǵym keledi. Biz sońǵy jyldary kásipkerlikti damytýǵa aıryqsha mán berip otyrmyz. Basty maqsat – elimizdi aımaqtaǵy ashyq naryqtyq ekonomıkasy bar mańyzdy ortalyqqa aınaldyrý. Osy oraıda ulttyq býrjýazııaǵa zor mindet júkteledi.

Men ulttyq býrjýazııa týraly oı-tujyrymdy osydan 24 jyl buryn Davos ekonomıkalyq forýmynda atap óttim. Bul jerde ulttyq degen sóz kásipkerdiń ultyna emes, onyń azamattyq sana-sezimine qatysty aıtylyp otyr. ıAǵnı, elimizge qoǵam aldyndaǵy joǵary jaýapkershiligin sezinetin jáne Qazaqstandy damytýǵa eleýli úles qosatyn ulttyq býrjýazııa kerek», - dedi QR Prezıdenti.