Qaraýsyz qaldyrylǵan talap-aryzdardyń sany 13 paıyzǵa qysqardy
«Bıyldyń qańtarynan Azamattyq protsestik kodekstiń kúshine engenine on aı ýaqyt ótti. Osy merzimde Kodeks normalary azamattyq sot isin júrgizýdi jetildirý, elektrondy sot isin júrgizýdi damytý, azamattardyń, memlekettiń jáne zańdy tulǵalardyń buzylǵan quqyqtaryn, sondaı-aq bostandyqtary men zańdy múddelerin ýaqtyly qalpyna keltirý men qorǵaý boıynsha óziniń zor áleýetin kórsetti», -dedi U. Súleımenova.
Onyń sózine qaraǵanda, sot tóreligine qoljetimdilikti qamtamasyz etý maqsatynda talap-aryzdy qozǵalyssyz qaldyrý ınstıtýty toqtatyldy. Qaıtarylǵan ótinishterdiń úlesi ótken jylmen salystyrǵanda 10,5 paıyzǵa kemidi. Sonymen qatar 15,1 paıyzǵa talap-aryzdardy qabyldaýdan bas tartý deńgeıi azaıdy, al qaraýsyz qaldyrylǵan talap-aryzdardyń sany 13 paıyzǵa qysqardy.
«2016 jyldyń 9 aıynda birinshi satydaǵy sot tártibinde ınvestıtsııalyq daýlar boıynsha Astana qalalyq sotyna - 44 ótinish pen is, Joǵarǵy Sotqa iri ınvestorlardan 21 ótinish tústi. Atalǵan sottar barlyǵy 45 isti qarady»,-dedi Súleımenova.
Parlament Májilisiniń depýtaty, Qazaqstan halqy Assambleıasy Medıatsııa keńesiniń tóraǵasy Baqytjan Ábdiraıymnyń sózine qaraǵanda, daýlardy sotqa deıin jáne sottan tys retteý ınstıtýtyn qoldaný aıasyn keńeıtý maqsatynda Joǵarǵy Sot Qazaqstan halqy Assambleıasymen birlesip, Medıatsııa ınstıtýtyn damytý jónindegi memorandýmǵa qol qoıdy. Mundaı memorandýmdarǵa barlyq oblys ákimdikteri de bekitti.
QR Joǵarǵy Soty baspasóz qyzmetiniń málimetinshe, búginde ákimdikter janynan 827 medıatsııa kabıneti ashyldy. Assambleıa medıatorlarynyń qatysýymen 8500 daý qaraldy. Bul daýlar sottan tys óz sheshimderin tapty.