Qaraýsyz ǵımaratta kóz jumǵan shymkenttik stýdent jaıly tyń derekter belgili boldy

<p>Shymkentte opyrylǵan ǵımarat astynda qalǵan Orta Azııa medıtsına kolledjiniń ekinshi kýrs stýdenti bolyp shyqty, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Shymkentte burynǵy Fosforshylar saraıynyń úsh qabatty ǵımaratynyń bir bóligi qulap, 18 jastaǵy jigit mert boldy.

Oqıǵa kezinde ǵımaratta úsh adam bolǵan, onyń ekeýi qashyp úlgergen.

Al bireýi úıindi astynda qalyp qaza tapty.

Zardap shekkenderdiń bári — Orta Azııa medıtsına kolledjiniń ekinshi kýrs stýdentteri.

«Oqıǵa ornynda 23 qyzmetker jáne TJD 9 arnaıy tehnıkasy, 8 qutqarýshy, 2 kınologııalyq esep jáne medıtsına qyzmetkerleri jumys istedi. Qazirgi ýaqytta oqıǵa orny muqııat tekserilip jatyr. Jaǵdaı qala ákiminiń jáne mamandandyrylǵan qutqarý qyzmetiniń jedel baqylaýynda» delingen Shymkent ákimdigi taratqan aqparatta.

Aıta keteıik, budan aldyn Shymkentte ǵımarat opyrylyp, vıdeo túsirmek bolǵan bala úıindi astynda qalǵanyn jazǵan bolatynbyz.