Qaratomar sý qoımasyna kelip jatqan sý kólemi saǵat saıyn azaıa bastady

<p>ASTANA. KAZINFORM &ndash; Qostanaı oblysyndaǵy Qaratomar sý qoımasyna kelip jatqan sý kólemi saǵat saıyn azaıa bastady. Bul týraly Sý resýrstary jáne ırrıgatsııa mınıstrliginiń resmı ókili Móldir Ábdýalıeva ortalyq kommýnıkatsııalar qyzmetinde ótken brıfıngide málim etti.</p>

«Qaraǵandy oblysynyń 4 iri sý qoımasy 100% sý jınady, munda da sý tasqynynyń belsendi kezeńi aıaqtaldy. Qostanaı oblysyndaǵy eki iri sý qoımasy orta eseppen 96% sý jınady. Munda sýdyń arnasynan kóterilýi baıqalady. Óńirde Qaratomar sý qoımasy boıynsha jaǵdaı kúrdeli bolǵan. Munda sekýndyna 2425 tekshe metr sý kelip, sekýndyna 2640 tekshe metr sý jiberilip jatyr. Búginde sý aǵyny saǵat saıyn azaıyp keledi. Soltústik Qazaqstan oblysynyń eki iri sý qoımasy 100% toldy. Munda da sý arnasynan asyp ketip otyr», - dedi Móldir Ábdýalıeva.