Karateshiler Dúnıejúzilik jaýyngerlik óner oıyndarynda úsh medal jeńip aldy

<p>Saýd Arabııasynyń astanasy Ar-Rııadta ótip jatqan Dúnıejúzilik jaýyngerlik óner oıyndarynda WKF karateden jarys máresine jetti, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

QR Týrızm jáne sport mınıstrligi Sportty damytý dırektsııasynyń baspasóz qyzmetiniń habarlaýynsha, búgin kýmıte baǵdarlamasynda fınalǵa shyqqan Dıdar Anarbekov (84 keli) tartysty aıqasta Saýd Arabııasynyń sportshysy Sanad Sýfıanıge jol berip, 2-oryn aldy.

Dıdar jartylaı fınalda chehııalyq Ondreı Boshakty jeńgen edi. Kúndizgi sessııada Dıdar 3 jekpe-jek ótkizip, ekeýinde qarsylastan basym túsken.

Sondaı-aq 21 qazanda Bella Samasheva (55 keli) kúmis medal jeńip aldy.

Al 68 kelige deıingi salmaqtaǵy Núrııa Tizimbaı qola aldy.

«Eki kúnge sozylǵan karateshiler jarysynda 3 medal aldyq. Onyń ekeýi kúmis, bireýi qola. Barlyǵy Ulttyq qurama sapynda 7 sportshy keldi», - dedi jastar quramasynyń aǵa bapkeri Shattyq Qajymuqan.

Aıta keteıik, Qazaqstan delegatsııasy osyǵan deıin Beıjiń men Sankt-Peterbýrgte ótken jaýyngerlik óner oıyndarynda WKF karateden medal almaǵan.

Eske salsaq, budan buryn Dúnıejúzilik jaýyngerlik óner oıyndarynda qazaqstandyq samboshylar jeti medal aldy.