Karateshi Móldir Jańbyrbaıǵa Azııa oıyndarynda kúmis buıyrdy

<p>Qytaıdyń Hanchjoý qalasynda Azııa oıyndarynyń sońǵy kúninde karateshi Móldir Jańbyrbaıǵa kúmis medal buıyrdy, dep habarlaıdy <a href="https://kaz.inform.kz/" target="_blank" rel="noopener">QazAqparat</a> tilshisi.</p>

Qazaqstandyq sportshy fınalda 2018 jylǵy Azııa oıyndarynyń jeńimpazy, taıbeılik Shıaý Shýang Gýmen altyn júldeni sarapqa saldy.

Qarsylastar 5:5 esebimen teń túskenimen, altyn sońǵy nátıjeli ádisti jasaǵan taıbeıliktiń enshisinde ketti.

Osylaısha, Qazaqstan ulttyq quramasy 10 altyn, 22 kúmis, 49 qola júldemen medaldar kestesinde 11-orynǵa turaqtady.

Eske sala keteıik, budan buryn karateshi Móldir Jańbyrbaıdyń Azııa oıyndarynyń fınalyna joldama alǵanyn jazǵan bolatynbyz.