ASTANA. KAZINFORM — Túrkııanyń Ystanbul qalasynda WKF karateden 2026 jyldyń alǵashqy Premer-lıga sanatyndaǵy básekesi máresine jetti.
Aıtýly dodada ekinshi altyn medaldi Tokıo Olımpıadasynyń qola júldegeri Sofıa Berýltseva jeńip aldy. Ol asa aýyr salmaqta sátti óner kórsetip, fınalda nepaldyq Arıka Gýrýngty aıqyn basymdylyqpen utty.
Budan buryn taǵy bir altyndy 55 kelige deıingi salmaqta Bella Samasheva alǵan edi.
Qazaqstan quramasy bul baıraqty básekede 2 altynmen jalpykomandalyq esepte 3-orynǵa ıe boldy.
Foto: Qazaqstan karate federatsııasyJalpykomandalyq esep:
1. Mysyr (2 altyn, 3 kúmis, 1 qola),
2. Túrkııa (2 altyn, 2 kúmis),
3. Qazaqstan (2 altyn),
4. Japonııa (1 altyn, 2 kúmis, 6 qola).
Karateden Premer-lıga sanatyndaǵy básekege álem reıtıngindegi TOP-32-ge kiretin sportshylar ǵana qatysa alady. Qazaqstan komandasy sapynda Túrkııaǵa 13 otandasymyz bardy.
Eske sala keteıik, budan buryn Ystanbulda karateden ótetin Premer-lıga básekesine qatysatyn Qazaqstan quramasy anyqtalǵanyn jazǵan edik.
Sondaı-aq qazaqstandyq karateshi Túrkııadaǵy Premer-lıga týrnırinde top jardy.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).