Qarataý memlekettik tabıǵı qoryǵynda arqarlar fototuzaqqa túsip qaldy

<p>ASTANA. KAZINFORM - Qarataý memlekettik tabıǵı qoryǵynda fototuzaqqa arqarlar tústi, dep habarlaıdy QR Ekologııa mınıstrliginiń baspasóz qyzmeti.</p>

Baspasóz qyzmetiniń málimetterine qaraǵanda, arqarlardyń eresek atalyqtarynyń massasy 200 kg-nan asady. Olar taýly jerlerde tirshilik etedi, jumsaq betkeıler men jazyqtardy jaqsy kóredi.

Arqarlar Ádemi múıizderi men qalyń teri jamylǵysynyń arqasynda ózine birden nazar aýdartady. Olardyń qýatty múıizderi juptasý kezeńinde qorǵanysh ári ásemdik qyzmetin atqarady.

Arqarlar Qazaqstannyń Qyzyl kitabyna engizilgen janýar.