«Qarasora»: Elimizdiń 4 óńirinde 7 esirtki alqaby joıyldy

<p>ASTANA. KAZINFORM &ndash; &laquo;Qarasora&raquo; operatsııasy barysynda elimizdiń 4 óńirinde 7 esirtki alqaby joıyldy. Bul týraly ІІM Esirtki qylmysyna qarsy is-qımyl departamenti bastyǵynyń orynbasary Baqytjan Ámirhanov aıtty.</p>

«Qarasora» respýblıkalyq arnaıy operatsııasyn ótkizý jalǵasyp jatyr. Onyń negizgi maqsaty — quramynda esirtkisi bar ósimdikterdi jınaýdyń, saqtaýdyń jáne ótkizýdiń jolyn kesý, esirtkini tasymaldaý arnalaryn anyqtaý. Operatsııanyń basynan beri, 1 maýsymnan bastap 295 esirtki qylmysy tirkelgen. Esirtkini ótkizý faktileri boıynsha — 98, esirtki saqtaǵany úshin — 66, quramynda esirtkisi bar ósimdikterdi ekkeni úshin 90 qylmystyq is qozǵaldy. Esirtki kontrabandasynyń 36 faktisiniń joly kesildi. 14,5 tonna esirtki zańsyz aınalymnan alyndy. Olardyń ishinde 12 tonna 700 keli marıhýana, 27 keli gashısh, 40 keli sıntetıkalyq esirtki tárkilendi», — dedi ol vedomstvoda ótken brıfıngte.

ІІM ókiliniń dereginshe, Qyzylorda, Almaty, Jambyl jáne Abaı oblastarynda 7 zańsyz egistik joıyldy. Shamamen 4 myńdaı apıyndy kóknár jáne 12 myń buta úndi qarasorasy tárkilendi. Tárkilengen ósimdikterdiń jalpy salmaǵy 13 tonnadan asady. Máselen, ótken aptada Almaty oblysynda Baqanas aýylynan soltústikke qaraı jer ýchaskesinde qarasoranyń iri esirtki plantatsııasy joıyldy.

«Jeti kúdikti ustaldy. Úndi qarasorasynyń 5 myńnan astam butasy joıyldy. Esirtki plantatsııasyn qarap tekserý barysynda generator, sý sorǵysy, sýarý jabdyǵy, tyńaıtqyshtar jáne qural-saımandar tabyldy», — dedi Baqytjan Ámirhanov.