Qarashyǵanaq kenishinde bir aıda 82 adamnan koronavırýs tabylǵan

ORAL. QazAqparat - Qarashyǵanaq kenishinde jeltoqsan aıynda 82 adamnan koronavırýs tabyldy, dep habarlaıdy QazAqparat tilshisi.

Oblystyq sanıtarlyq- epıdemıologııalyq baqylaý departamentiniń baspasóz qyzmetinen túsken málimetke qaraǵanda, vahtaǵa keler jáne keter kezde osynshama adamnan indet anyqtalǵan.

Jalpy, Qarashyǵanaq munaıgaz kondensaty kenishinde epıdemıologııalyq jaǵdaı salystyrmaly túrde turaqty. Ken ornynda 4321 adam jumys isteıdi. Eńbek ujymdary arasynda jappaı aýrý tirkelgen joq.

1-28 jeltoqsan aralyǵynda 3072 PTR taldaý alynyp, sonyń 2,6 paıyzynan koronavırýs anyqtaldy. Barlyq juqtyrǵandardyń 70 paıyzy - aýrý belgisi joqtar.

Chınarev kenishin ıgerip jatqan «Jaıyqmunaı» JShS-ynda indet bastalǵannan beri 61 KVI tirkelse, sonyń úsheýi jeltoqsan aıynda vahtaǵa aýysymǵa kelip jatqandardy testileý kezinde shyqty. Chınarev kenishiniń ózinde qyzmetkerler arasynda anyqtalǵan joq.

Kenishter aýmaǵyndaǵy epıdemıologııalyq jaǵdaıǵa kún saıyn monıtorıng júrgizilýde.

Eske sala keteıik, budan buryn Oralda jańa jyl qarsańynda kóńil kóterý oryndaryn qadaǵalaý kúsheıtilgenin jazǵan bolatynbyz.