Qarashyǵanaq gazy «Jaıyqmunaı» gaz zaýytynda óńdeletin boldy

ASTANA. QazAqparat – 2023 jyldan bastap «Jaıyqmunaı» gaz óńdeý zaýytynda Qarashyǵanaq gazyn óńdeý sheshimi qabyldandy. Bul týraly Úkimet otyrysynda QR Energetıka mınıstri Bolat Aqsholaqov aıtty, dep habarlaıdy QazAqparat tilshisi.

«Memleket basshysy 2029 jylǵa qaraı taýarlyq gaz óndirisiniń kólemin 30 mlrd tekshe metrge deıin jetkizý mindetin qoıdy. Qashaǵan ken ornynda qýaty 1,1 mlrd tekshe metr jáne 2 mlrd tekshe metr ilespe gazdy óńdeý 2 zaýyty iske qosylatyn bolady. Budan basqa, 2023 jyly «Jaıyqmunaı» gaz óńdeý zaýytynda Qarashyǵanaq gazyn óńdeý boıynsha sheshim qabyldanady. Bul gazdy óńdeýdi 4 mlrd tekshe metrge ulǵaıtýǵa múmkindik beredi», - dedi ol.

Mınıstr Memleket basshysy qoıǵan mańyzdy máselelerdiń biri - halyqty gazben qamtamasyz etý ekendigin basa aıtty.

«Mınıstrlik halyqty gazdandyrý deńgeıin 2029 jylǵa qaraı 65 paıyzǵa deıin jetkizýdi josparlap otyr. Bul 12 mln adamdy tabıǵı gazben qamtamasyz etedi», - dedi Bolat Aqsholaqov.